Тимот од Факултетот за безбедност – Скопје кој работи на меѓународниот проект ВЕКТОР, финансиски поддржан од НАТО СПС програмата, во македонскиот медиумски простор ја презентираше кампањата за подигнување на свесноста на граѓаните за опасноста од неексплодирани убојни средства.
- На 18.02.2021 година (четврток) проф. д-р Александар Иванов и студентите од четврта година Наталија Огненова и Тома Христовски во утринската емисија “Македонија наутро” на Македонската Радио Телевизија ги презентираа целите на кампањата, текот и начинот на спроведување.
- На 22.02.2021 (понеделник) ко-директорот на проектот, проф. д-р Марина Малиш Саздовска, истражувачот д-р Кире Бабаноски и студентките Наталија Огненова и Елена Степановска беа гости во емисијата “Отворено за Универзитетот”, каде со главниот и одговорен уредник м-р Соња Тантарова Груеска разговараа за спроведената кампања, разговорите со граѓаните, како и за идните планирани активности.
Факултетот за безбедност – Скопје ќе ја продолжи оваа кампања и во следниот период во други градови низ државата, со поддршка од крајните корисници во проектот (Министерството за внатрешни работи и Дирекцијата за заштита и спасување).
